တာဝန်ကိုယ်စီ သိကြရင်ဖြင့်

လယ်ယာစိုက်ပျိုးရေးနဲ. ဆန်စပါးကုန်သွယ်ရေးလုပ်ငန်းကို အဓိကလုပ်ကိုင်ကြတဲ့ကျွန်မတို.ဧရာဝတီတိုင်းမှာ စိုက်ပျိုးရေးမန်နေဂျာများ၊ ဆန်ကုန်သယ်ပဲကုန်သယ်များချမ်းသာကြပါတယ်။ ဒါပေမဲ့ မြစ်ကြီးမြစ်ငယ်အသွယ်စီးဆင်းလို့ လယ်ယာမြေပေါတဲ့ကျွန်မတို့ဒေသက အခြေခံလူတန်းစားတွေရဲ့ ပညာရေး၊ကျန်းမာရေးနဲ့ လူမှုရေးစီးပွါးရေးအခြေအနေတွေကတော့ တနေ့တခြားဆုတ်ယုတ်လို့သာလာပါ တယ်။

ကျုံပျော်မြို.အထက်တန်းကျောင်းမှာ ကျွန်မကိုးတန်းတက်တော့ စိုက်ပျိုးရေးမန်နေဂျာ သမီးသက်နဲ. ဘေးချင်းယှဉ်ထိုင်ရတာကြောင့် အထိုက်အလျောက်ခင်မင်ရင်းနှီးပါတယ်။ စာကြိုးစားတဲ့သက်ဟာ တခါတလေကျွန်မ ဆီကိုစာလာမေးပါတယ်။ သူတို.အိမ်ယာကနေ ကျွန်မတည်းနေတဲ့အိမ်ကိုငါးမိနစ်လောက်လမ်းလျှောက်လာရင်ရောက်ပေမဲ့ သူမက ကားနဲ.ပဲ လာပါတယ်။ဆယ်တန်းရောက်တော့ သက်အဖေကအခြားမြို.ကိုပြောင်းရတာကြောင့် သက်ကသူတို.အခြေချထားတဲ့ဟင်္သာတမှာကျောင်းပြန် တက်ပါတယ်။ ဟိတ်ဟန် မလုပ်တတ်တဲ့တောသူကျွန်မနဲ. အရာရှိသမီးသက်နဲ.ဟာ အခင်ဆုံးသူငယ်ချင်းတွေမဟုတ်ခဲ့တာကြောင့် တယောက်နဲ.တယောက် အဆက်အသွယ်မရှိခဲ့ကြပါဘူး။

ကျွန်မကျောင်းပြီးလို. ဟင်္သာတသူနာပြုသင်တန်းကျောင်းမှာ ဒုနည်းပြအဖြစ် တာဝန်ကျတော့သက်နဲ.ပြန်ဆုံဖြစ်ပါတယ်။ ခင်တတ်တဲ့ သက်ဟာမြို.ခံဖြစ်တာကြောင့် ကျွန်မကိုရင်းနှီးဖော်ရွေစွာဆက်ဆံပါတယ်။ သူတို.အိမ်ကိုလည်းကျွန်မအလယ်ရောက်ခဲ့ပါတယ်။ ကျွန်မရောက်ခဲ့တဲ့ သက်တို.အိမ်ဟာခမ်းနားထည်ဝါလှပါတယ်။ တချို.ကတော့ ပုလဲအိမ်လို.တင်စားကြပါတယ်။ ပုလဲဆိုတာသီးနှံအထွက် တိုးအောင်သုံးတဲ့ ဓါတ်မြေသြဇာကိုဆိုလိုတာပါ။

စိုက်ပျိုးရေးမန်နေဂျာတွေဟာ လယ်သမားများကိုသက်သာချောင်ချိစွာ ရောင်းချပေးရမဲ့ ပုလဲတွေကို အပြင်မှာရောင်းစားပြီး ကြီးပွါးနေ ကြတာပါ။ တကယ်လယ်ယာစိုက်တဲ့ အဖေအပါအ၀င်လယ်သမားတွေကတော့ ကျွန်မ နားလည်သိတတ်တဲ့အရွယ်ကတည်းက မွဲနေ ကြပါတယ်။ အစိုးရထုတ်ချေးပေးတဲ့ ဘဏ်ငွေကမလောက်ငှ။ ဈေးသက်သက်သာသာနဲ. ၀ယ်ရမဲ့ဓာတ်မြေသြဇာက ဟန်ပြအဖြစ် တစ်အိတ်စနှစ်အိတ်စကလေးပဲရ။ အပြင်မှာဈေးကြီးနဲ.၀ယ်မသုံးနိုင်တော့ စပါးအထွက်နှုန်း ကလျော့။ ဒါ့အပြင်နှစ်စဉ် အစိုးရကို တာဝန်ကျေစပါးရောင်းပေးရပါတယ်။ အစိုးရကိုရောင်းပေးရတဲ့ဈေးကအပြင်ဈေးထက် ထက်ဝက်မက နည်းပါတယ်။ ရေးကြီးတဲ့နှစ်တွေ ရာသီဥတုဖေါက်ပြန်လို.စပါးထွက်နှုန်းလျော့တဲ့နှစ်တွေမှာလည်း တာဝန်ကျေစပါးကိုမဖြစ်မနေရောင်းပေးရပါတယ်။ စပါးကလည်းမထွက်၊  တာဝန်မကျေရင်ထောင်ကျမှာစိုးလို. အပြင်ပေါက်ဈေးနဲ.စပါးကိုဝယ်ပြီး အစိုးရဈေးနဲ.ပြန်ရောင်းပေး ရတဲ့ မိအေးသုံးခါပြန်နာ တဲ့အဖြစ် တွေဟာ ကျွန်မအသိဥာဏ်ထဲမှာစွဲနေပါတယ်။

ဒီလိုအဖြစ်သနစ်နဲ. ရုန်းကန်နေကြရတဲ့လယ်သမားတွေမှာ အချိန်တန်လို.လယ်သိမ်းရင် ၀မ်းစာစပါးတောင်မကျန်ကြတာများပါတယ်။ ရာသီဥတုမျှတလို.အနည်းငယ်ပိုလျှံတဲ့အခါမျိုးမှာလည်း ငွေလိုတဲ့ဆင်းရဲသားလယ်သမားများဟာ ဈေးကစားတဲ့ကုန်သယ်တွေခေါ်တဲ. ဈေးနဲ.ပဲရောင်းရရှာပါတယ်။ ကုန်သယ်တွေလက်ထဲစပါးတွေရောက်ပြီဆိုရင်တော့ ဆန်စပါးဈေးအဆမတန်တက်တော့တာပါပဲ။ ချောင်လည်  တဲ့လယ်သမားတွေကတော့ တက်ဈေးစောင့်ပြီးရောင်းကြပါတယ်။ ကြပ်တည်းတဲ့လယ်သမားများကတော့စားစရာစပါး လည်းမကျန်၊ လယ်စရိတ်လည်းမရှိတော့ နောက်တနှစ်လယ်လုပ်ဖို. သူဌေးတွေဆီမှာ ငွေတိုးချေးယူရတော့တယ်။ တစ်သိန်းချေးတဲ့ငွေ နောက်နှစ်ပြန်ဆပ်တော့ နှစ်သိန်းဖြစ်။ အကျေမဆပ်နိုင်ရင်အတိုးသပ်၊ အတိုးမသပ်နိုင် ရင်တော့မောင်းပြန်စနစ်နဲ. နှစ်သိန်းငွေကိုအတိုး ပြန်မှတ်တော့နောက်နှစ်လေးသိန်းဖြစ်သွားပါရော။ ဒီလိုနဲ.နှစ်အနည်းငယ်ကြာလာတော့  အတိုးပေါ်အတက်ပေါက်ပြီး၊ အကြွေးကိုလယ်နဲ.    ထိုးဆပ်လိုက်ကြတယ်။

အကြွေးယူနည်းနောက်တမျိုးကတော့ စပါးပေးစနစ်။ လယ်စိုက်စရိတ်လိုတော့ စပါးပေါက်ဈေးထက် သုံးပုံနှစ်ပုံလောက်လျှော့ပြီးငွေကြို ယူခြင်းပါ။ ဥပမာ စပါးတင်းတစ်ရာကိုကျပ်သုံးသိန်းပေါက်ချိန်မှာ ငွေတစ်သိန်းကြိုတင်ယူပြီး စပါးပေါ်ချိန်မှာ တင်းတစ်ရာပေးချေရပါတယ်။ အချိန်တန်လယ်သိမ်းတော့ စပါးပေးအကြွေးချေရတာနဲ. တာဝန်ကျေစပါးရောင်းချပေးရတာနဲ.မို. စားစရာမကျန်ဖြစ်ရပြန်တယ်။ စပါးအ ကြွေးကျေအောင်မဆပ်နိုင်ရင်တော့ တင်းတိုးမောင်းပြန်စနစ်နဲ.နောက်နှစ် တင်းနှစ်ရာဆပ်ရပါလေရော။ သက်ညှာတဲ့အကြွေးရှင်ဆိုရင် တော့ ခွဲတိုးစနစ်နဲ.(တစ်တင်းကိုတင်းတစ်ဝက်တိုး) နောက်နှစ်ကိုစပါးတင်း တစ်ရာ့ငါးဆယ်ပြန်ဆပ်စေပါတယ်။ ထိုနည်းလည်းကောင်း နှစ်တွေကြာလာတော့ အကြွေးလည်ပင်းမြုပ်ပြီးလယ်ထိုးအပ်လိုက်ရတာပါပဲ။ ဒီလိုနဲ.ချမ်းသာတဲ့သူတွေသာလယ်ယာရှင်တွေဖြစ်လာပြီး၊ ဆင်းရဲသားလယ်သမားတွေမှာ လယ်ယာမဲ့ကပ်ပါးအလုပ်သမားဘ၀ရောက်ခဲ့ရပါတယ်။ ခုဆိုရင်ကျွန်မတို.ရွာမှာလယ်လုပ်စားတဲ့လူ အရေအတွက်နည်းပြီး၊ လယ်ယာရှင်သူဌေးတွေမှာတော့ လယ်ဧကပေါင်းများစွာပိုင်ဆိုင်ထားကြပါတယ်။

နောက်ဆက်တွဲအကျိုးဆက်ကတော့ လယ်ပဲလုပ်တတ်ပြီး၊ လယ်ယာမဲ့ဖြစ်သွားတဲ့တောင်သူတွေဟာ သားသမီးတွေကိုအသက်မွေးဝမ်း ကျောင်းမှုမှာ ရှေ့ဆောင်လမ်းပြဖြစ်အောင်မစွမ်းဆောင်နိုင်ကြပါဘူး။ တချို့လည်းရရာအလုပ်လုပ်ကြပြီး၊ တချို့ကတော့နှစ်လုံးထီချဲထီနဲ့ နှစ်ပါးသွားနေကြတာ ကျွန်မတို့ရွာမှာလက်ကြောတင်းတဲ့ယောက်ျားတွေရှားသွားပါပြီ။ တချို့လည်းမလေးရှားကိုလာပြီးအလုပ်လုပ်ကြ တာအဆင်ပြေတဲ့သူရှိသလို အဆင်မပြေသူတွေ၊လေလွင့်သွားကြသူတွေကတော့ ဇာတ်လမ်းမျိုးစုံနဲ့စခန်းသွားနေကြလေရဲ့။ ရွာမှာကျန် နေခဲ့တဲ့လူအများစုကတော့အသောက်အစားလောင်းကစားတွေနဲ့မွေ့လျော်နေကြပါတယ်။

ဘာသာရေးအခြေခံအားနည်းပြီး စာပေဗဟု သုတလေ့လာမှုမရှိတဲ့ ကျွန်မတို့နယ်ကရွာသူရွာသားများ ကိုယ်ကျင်.သီလတွေဖေါက်ပြန် ပျက်စီးနေတဲ့အဖြစ်တွေဟာ စိတ်မချမ်းမြေ့ စရာပါ။ ကျွန်မကြားဖူးနားဝရှိတဲ့ ရှေးခေတ်ကရပ်မိရပ်ဖတွေလို စံနမူနာကောင်းအဖြစ်နေပြပြီး ရွာအပေါ်သြဇာညောင်းနိုင်တဲ့ပုဂ္ဂိုလ်တွေ မရှိတော့သလောက်ဖြစ်နေတာမို့ အထိန်းအကွပ်မဲ့နေပါတယ်။ ရံပုံငွေလိုတဲ့အခါရွာသူကြီးများ ကဖဲဝိုင်းထောင်ပြီး ဒိုင်ကြေးကောက်ခံတဲ့နည်းနဲ့ဖြေရှင်းနေကြပါတယ်။ အာဝါဒေး(အဓိပ္ပါယ်တော့ကျွန်မလည်းမသိပါ) လို့ခေါ်တဲ့ဖဲဝိုင်း တခါပြီးသွားရင် ရွာကလူအချို.အိမ်မှာရှိသမျှပစ္စည်းပြောင်၊ အကြွေးတွေကထူပြီးဆင်းရဲတွင်းပိုနက်လာပါတော့တယ်။ ဆင်ခြင်ဥာဏ် အားနည်းတဲ့အိမ်ရှင်မတွေ ငါးပိရည်တောင်အလျင်မှီအောင်မစားရပေမဲ့ နှစ်လုံးထီကိုအကြွေးတင်ခံပြီးနေ့စဉ်မပြတ်ထိုးနေကြပါတယ်။ ဟင်းကောင်းမစားရတဲ့ကျွန်မရွာသားတွေ အရက်ကိုနေ့စဉ်အာဟာရအဖြစ်မှီဝဲနေကြပါတယ်။

ဒီလိုလူမှုပတ်ဝန်းကျင်မှာ ကြီးပြင်းခဲ့ရတဲ့မျိုးဆက်သစ်တွေမှာလည်း ပညာရေးနဲ့စာရိတ္တရေးရာ နိမ့်ကျလာခဲ့ပါပြီ။ ရွာကကျွန်မသူငယ်ချင်း တွေနဲ့ စိုက်ပျိုးရေးအရာရှိများ ကုန်သယ်ကြီးများရဲ့သားသမီးတွေရဲ့ ဘ၀အခြေအနေဟာကွာခြားလွန်းပါတယ်။ သက်တို့မောင်နှမတွေဆို ပညာရောငွေကြေးပါပြည့်စုံပြီး လူတန်းစေ့နေနိုင်ကြပါတယ်။ ဆန်စပါးဈေးကိုလိုသလိုချယ်လှယ်ပြီးဈေးကစားနိုင်တဲ့ ဆန်ကုန်သယ်ပဲကုန် သယ်ကြီးများရဲ့သားသမီးတွေကတော့ ပြည်တွင်းပြည်ပမှာ အဆင့်မြင့်ပညာတွေသင်ကြားပြီး အလုပ်အကိုင်စီးပွါးရေး အခွင့်အလမ်း ကောင်းတွေရတာကြောင့် ကြီးပွါးတိုးတက်နေကြတာ အားကျစရာကောင်းလှပါတယ်။ ကြီးပွါးတိုးတက်ပြီးတာဝန်သိတဲ့သူအချို့ကတော့ အမျိုးဘာသာ သာသနာအတွက်အကျိုးပြူကြပေမဲ့ အများစုကတော့ကိုယ်ကျိုးနဲ့ မိသားစုအကျိုးလောက်ပဲစဉ်းစားကြပါတယ်။

မိမိတို့ရဲ့အတ္တနဲ့ ကိုယ်ကျိုးစီးပွါးအတွက် အားနည်းတဲ့လူအများစုအပေါ်တာဝန်မဲ့စွာ လျစ်လျူရှုထားတဲ့ခေတ်စနစ်ကိုပဲ အပြစ်တင် ရမလား။ ကိုယ်ပိုင်စွမ်းရည်နိမ့်ကျတဲ့တောနေလူတန်းစားတွေ စားဝတ်နေရေးချောင်လည်စွာရှင်သန်ခွင့် ခေတ်အဆက်ဆက်စွန့်လွှတ် ထားရတော့မလား။ အစစအရာရာမှာနိမ့်ကျနေတဲ့အခြေအနေကို ဘယ်လိုပြန်မြှင့်တင်ရမလဲလို့စဉ်းစားလိုက်တိုင်း နိုင်ငံရေးစီးပွါးရေး အမြင်အားနည်းတဲ့ကျွန်မအတွက် လက်တွေ့ကျတဲ့အဖြေမရခဲ့ပါဘူး။ အကျိုးပြုလုပ်ငန်းတစုံတရာတောင်မဆောင်ရွက်ပေးနိုင်တဲ့ ကျွန်မကိုယ် ကျွန်မပဲပြန်အပြစ်တင်မိပါတယ်။ ဒါပေမဲ့လည်း ဘွဲ့တစ်ခုကိုမနည်းရအောင်ယူခဲ့ရပြီး အခက်အခဲအကြပ်အတည်းတွေကြား မှာမယိုင်လဲအောင်ကြိုးစားရပ်တည်နေရတဲ့ ကျွန်မအနေနဲ့စွမ်းဆောင်ရှင်မဖြစ်နိုင်တာကို ကိုယ့်ဖာသာပဲပြန်ပြီးခွင့်လွှတ်ရ ပြန်တယ်။

တောမှာမွေးတောမှာကြီးပြင်းခဲ့ပြီး လယ်သမားသားသမီးဖြစ်တဲ့ကျွန်မအနေနဲ့ တောနေလူတန်းစားအပေါ်တာဝန်မကင်းသူလို့ခံစားရတာ ကြောင့် လေးလေးနက်နက်စဉ်းစားသုံးသပ်ရင်း အသိတစ်ခုတော့ရလိုက်ပါတယ်။ ကိုယ့်ရပ်ရွာကိုယ့်တိုင်းပြည်ကောင်းစားရေး အတွက် ကျွန်မတို့ ကိုယ်တိုင်မှာပဲတာဝန်အရှိဆုံးဖြစ်တာမို့ လူတိုင်းကိုယ်စီတာဝန်သိကြရမယ်ဆိုတာပါ။ လူတစ်ဦးတိုင်းတစ်ယောက်စီတိုင်းဟာ တာဝန်သိတတ်စွာနဲ့ မိမိတို့လက်လှမ်းမှီသလောက် ဆွေမျိုးသားချင်းများနဲ့မိတ်ဆွေသူငယ်ချင်းများကို လက်တွဲခေါ်ပြုပြင်ဖေးမကြဖို့လို ပါတယ်။ တကယ်လုပ်ဆောင်နေကြတဲ့သူတွေကိုလည်း လေးစားမိပါတယ်။

မလေးရှားနဲ့အခြားနိုင်ငံတွေကိုရောက်နေကြတဲ့ တောသူတောင်သားမောင်ညီမများအားလုံး မိမိကိုယ်ကိုကောင်းစွာဆောက်တည်ကြပြီး၊ အချိန်တန်လို့အိမ်ပြန်ကြတဲ့အခါ ရပ်ကျိုးရွာကျိုးကိုနိုင်သလောက်ဆောင်ရွက်ကြမယ်ဆိုရင်ဖြင့် တောရွာလူနေမှုစနစ်တွေတိုးတက်လာ မယ်လို့မျှော်လင့်မိပါတယ်။

ရွှင်လန်းချမ်းမြေ့ကြပါစေ

(စံပါယ်ဖြူ)

အပြင်စီးမဂ္ဂဇင်း၊ အမှတ်(၆)၊ ဇွန်လ ၂၀၁၁