ကျင့်ဝတ်ညီစေ

ကျင့်ဝတ် (Ethics) ဆိုသည်မှာ လူ့အဖွဲ့အစည်းက လက်ခံသတ်မှတ်ထားသော အကျင့်စာရိတ္တကောင်းများ သို့မဟုတ် အပြစ်ကင်းသော အမူအကျင့်များ ဖြစ်သည်။ မိမိအပြုအမူကြောင့် တစ်စုံတစ်ယောက် ထိခိုက်နစ်နာမှု မရှိအောင် ရှောင်ကြည်ခြင်းသည် ကျင့်ဝတ်များကို စောင့်ထိန်းခြင်းဖြစ်သည်။  လူတစ်ဦးစီတိုင်း၊ အဖွဲ့အစည်းတိုင်း လိုက်နာကျင့်သုံးရမည့် အခြေခံ ကျင့်ဝတ်ဆိုင်ရာ နိယာမများ (Ethical principles) မှာ ကောင်းကျိုးဖြစ်စေခြင်း (Beneficience)၊ ဆိုးကျိုးနည်းနိုင်သမျှနည်းစေခြင်း (Least harms/nonmaleficence) နှင့် တရားမျှတ လွတ်လပ်ခွင့်ကို လေးစားလိုက်နာခြင်း (Respect for automony and justice) တို့ဖြစ်သည်။ လူပီသသော လူတစ်ယောက်အဖြစ် ရှင်သန်ရပ်တည်သူမှန်လျှင် လူ့ကျင့်ဝတ်စည်းကမ်းများကို လိုက်နာကြ ပါသည်။ ပညာရှင်အဖြစ် ရပ်တည်သူများသည် မိမိတို့၏ အတတ်၊ပညာ အဆင့်အတန်းကို ကျင့်ဝတ်လိုက်နာခြင်းဟူသော စံချိန်ဖြင့် တိုင်းတာရပေမည်။

ကောင်းကျိုးကို ဖြစ်စေခြင်းဆိုသည့် နိယာမအရ နေ့စဉ်ဘ၀ကိုဖြတ်ကျော်ရင်း ပြုသမျှကာယကံမှု၊ ပြောသမျှ ၀စီကံမှုနဲ့ ကြံစည်သမျှ မနောကံစိတ်ကူးများသည် ကောင်းကျိုးကိုသာ ရှေးရှုဦးတည်ရပါမည်။ မိခင်သည် သားသမီးများ၏ ကောင်းကျိုးကိုသာ ကြံစည်ဆောင်ရွက် သကဲ့သို့ ကျွန်မတို့တတွေ လူသားအားလုံးအပေါ် စေတနာ မေတ္တာစိတ်ထားပြီး ကောင်းကျိုးဖြစ်စေသော အမှုကို အမြဲဆောင်ရွက် ရပေမည်။ ကောင်းမှုမှန်သမျှ အကုန်လုပ်ရပါမည်။ မကောင်းမှု မှန်သမျှကို ရှောင်ကြည်ပါလျှင် ဆိုးကျိုးနည်းနိုင်သမျှ နည်းစေခြင်း ဟူသော နိယာမကို လိုက်နာခြင်း ဖြစ်လေသည်။ မိမိအကျိုးစီးပွားအတွက် သူတပါး ဆုံးရှုံးနစ်နာမှု မရှိအောင် သတိထားရှောင်ကြဉ် အပ်ပေသည်။ သူလည်းချမ်းသာ ကိုယ်လည်းရွှင်လန်း ၀မ်းမြောက်ရသည့် သူနိုင်ကိုယ်နိုင် (Win-win situation) ဖြစ်အောင် အမြဲစဉ်းစား ဆောင်ရွက်သင့်သည်။ 

တရားမျှတ လွတ်လပ်ခြင်းကို လေးစားလိုက်နာခြင်း ဟူသော ကျင့်ဝတ်ဆိုင်ရာ နိယာမသည် ငြိမ်းချမ်းရေးနှင့် ညီညွတ်ရေးကို ဦးတည်သည်။ လူတိုင်းလွတ်လပ်ခြင်းကို နှစ်သက်လိုလားကြသည်။ စည်းလွတ်ဘောင်လွတ် မဟုတ်သော လွတ်လပ်ခွင့်ကို လူတိုင်းတန်းတူညီမျှ ခံစားခွင့်ရှိရမည်။ မိမိ၏လွတ်လပ် ပျော်ရွှင်ခြင်းအတွက် အခြားတစ်ယောက်၏ လွတ်လပ်ခွင့်များ ဆုံးရှုံးနစ်နာမှု ဖြစ်မသွားအောင်လည်း စောင့်ထိန်းရပေမည်။ အုပ်ချုပ်သူ လူတန်းစားများနှင့် ဌာနဆိုင်ရာအသီးသီးမှ အကြီးအကဲများသည် ပြည်သူများ၊၀န်ထမ်းများ၏ အကျိုးကို ရှေးရှုလျှက် တရားမျှတ လွတ်လပ်သောလူ့ဘောင် အဖွဲ့အစည်းကို ဖန်တီးတည်ဆောက်ပေးရန် တာဝန်ရှိသည်။ ကျင့်ဝတ်စည်းကမ်းများကို တပြေးညီလိုက်နာတတ်သော ယဉ်းကျေးမှု တရပ်ကို တည်ဆောက်ပေးရန် လိုအပ်သည်။ သတ်မှတ်ထားသော စည်းကမ်းဘောင်များသည် လူအများစု၏ အကျိုးကို ရည်ရွယ်၍ အများသဘောတူလက်ခံသော စည်းကမ်းဖြစ်ရမည်။ လူတစ်ယောက်ရသင့်သော လွတ်လပ်ခွင့် ကန့်သတ်ချုပ်ချယ်ထားသော စည်းကမ်းများ မဖြစ်စေသင့်။ လူတိုင်းလိုက်နာနိုင်သော စည်းကမ်းဖြစ်ရန်လည်း လိုအပ်သည်။ အများသဘောတူညီချက်ဖြင့် သတ်မှတ်ထားသော စည်းကမ်းကို  လူတန်းစားပေါင်းစုံမှ လူတိုင်း လိုက်နာရပေမည်။ 

စည်းကမ်းမလိုက်နာသူကို ကျောသားရင်သား မခွဲခြားပဲ သတ်မှတ်ထားသော စည်းကမ်းဥပဒေအတိုင်း အပြစ်ပေးရပေမည်။ တရားမျှတမှသာ စည်းကမ်းကို ညီညီညွတ်ညွတ် လိုက်နာကြ၍၊ ဆိုးကျိုးဖြစ်စေသော အမှုမျန်သမျှကို ရှောင်ကြည်ကြသဖြင့် ငြိမ်းချမ်းသော လူ့ဘောင်ကို တည်ဆောက် နိုင်မည်ဖြစ်သည်။

ကျင့်ဝတ်နှင့် စည်းကမ်းသည် တွဲလျှက်ရှိနေသည်။ ကျင့်ဝတ်စောင့်ထိန်းသူသည် စည်းကမ်းရှိသည်။ စည်းစောင့်သည်။ ကိုယ့်တာဝန် ကိုယ်ယူတတ်သော အကျင့်ရှိသည်။ ဥပမာ-ပတ်ဝန်းကျင်သန့်ရှင်းရေးနှင့် ရောဂါဘယ ကင်းဝေးရေးအတွက် အမှိုက်နှင့် အညစ်အကြေးများကို စနစ်တကျစွန့်ပစ်ခြင်းသည် မိမိကိစ္စကို မိမိကိုယ်တိုင် တာဝန်ယူခြင်း ဖြစ်သည်။ အမိုက်ကို စနစ်တကျ စွန့်ပစ်ခြင်းကြောင့် ပတ်ဝန်းကျင် သန့်ရှင်းနေသဖြင့် စိတ်ရွှင်လန်းရသည့် ကောင်းကျိုးကို ဖြစ်စေသည်။ ကူးစက်ရောဂါ ဖြစ်စေသော ဆိုးကျိုးကို တားဆီးကာကွယ် ပေးနိုင်သည်။ ၄င်းသည် လူတိုင်းလိုက်နာနိုင်သော စည်းကမ်းလည်းဖြစ်သည်။ အများပြည်သူအကျိုးကို ရှေးရှုသည်။ အသေးအမွှား ကိစ္စများမှစ၍ အခြေခံ လူ့ကျင့်ဝတ်စည်းကမ်းများကို လူတိုင်းကိုယ်စီ လိုက်နာကြလျှင် လောကငြိမ်းချမ်းသာယာ ပေလိမ့်မည်။

သာမန်လူများထက် ပို၍အသိပညာ ဗဟုသုတရှိသော ပညာတတ်များ၊ အတတ်ပညာရှင်များသည် ဆိုင်ရာပညာရပ် နယ်ပယ်မှ စောင့်ထိန်းအပ်သော ကျင့်ဝတ်စည်းကမ်းများကို လိုက်နာမှသာ ပညာရှင်ပီသသည်ဟု ဆိုနိုင်ပါသည်။ ဆရာသည် ဆရာ့ကျင့်ဝတ်ကို လိုက်နာရမည်။ ရှေ့နေသည် ရှေ့နေကျင့်ဝတ်ကို လိုက်နာရမည်။ ဆေးဆရာသည် ဆေးဆရာ ကျင့်ဝတ်ကို လိုက်နာစောင့်ထိန်းရပေမည်။ ငွေမက်၍ စီးပွားရေးသိပ်ဆန်လွန်းသော ပညာတတ်များသည် ကျင့်ဝတ်များကို အလေးမထားတော့သဖြင့် အများပြည်သူများ နစ်နာရသည်။ စားဝတ်နေရေးကြောင့် ဆရာများ ကျင့်ဝတ်ပျက်သဖြင့် မြန်မာပြည် ပညာရေး အနိမ့်ဆုံးကို ရောက်ခဲ့ရသည်။ ရှေ့နေများ ကျင့်ဝတ်မစောင့်နိုင်ကြသဖြင့် တရားဥပဒေ စိုးမိုးခြင်းမရှိဖြစ်ရသည်။ ဆေးဆရာများ ကျင့်ဝတ်ကို အလေးမထားသည့်အခါ လူနားများ မလိုအပ်ပဲ ငွေကုန်လူပန်း ဖြစ်ကြရသည်။ မြန်မာပြည်နှင့် မလေးရှား ဆေးပညာလောကတွင် သူနာပြုဘ၀ဖြင့် ၁၃နှစ်ကျော် ကျင်လည်ရင်း တွေ့ကြုံခဲ့သော ဖြစ်ရပ်အချို့အပေါ် စိတ်မသက်မသာ ဖြစ်ရလွန်းသဖြင့် ကျင့်ဝတ်များအကြောင်း ရေးလိုက် မိခြင်းဖြစ်သည်။ 

ဆရာဝန်နှင့် သူနာပြုများသည် လူနာများရောဂါ ပျောက်ကင်းသက်သာစေမည့် ကုသပြုစုမှုများကိုသာ အစဉ်ဆောင်ရွက်ရပါမည်။ ဘေးထွက်ဆိုးကျိုးများသော ကုနည်းများ၊ မလိုအပ်ပဲ ငွေကုန်ကြေးကျများသော ကုထုံးများကို ရှောင်ကြည်ရမည်။ လူနာများ၏ ကောင်းကျိုးကို ရှေးရှု၍ လိုအပ်ပါက ပိုမိုကျွမ်းကျင်သော ဆရာဝန်များထံ လွှဲပြောင်းပေးရမည်။၊ လိုအပ်သော ကုသမှုများကို ခံယူရန် နားမလည်သော လူနာများအား ပညာပေး ဆွေးနွေးခြင်းဖြင့် မှန်ကန်သော ဆုံးဖြတ်ချက်များ ချနိုင်အောင် ကူညီပေးရမည်။ ကုထုံးအသစ်များနှင့်ပတ်သက်၍ ကောင်းကျိုးဆိုးကျိုးများကို အမှန်တိုင်းရှင်းပြရမည်။ လူနာများ၏ အခွင့်အရေး (patients’ rights) အတွက် အမြဲရပ်တည်ပေး ရမည်။ လူနာနှင့် မိသားစုများ၏ လွတ်လပ်စွာ ဆုံးဖြတ်ခွင့်ကို လေးစားလျှက်၊ ကျန်းမာရေးနှင့် ညီညွတ်သော အပြုအမှုများကို လိုက်နာတတ်အောင် ကူညီပေးရမည်။ ကျန်းမာအောင် ဂရုစိုက်နေထိုင်ခြင်းဖြင့် မိမိကျန်းမာရေးကို ကိုယ်တိုင်တာဝန်ယူ စောင့်ရှောက်တတ်သော အကျင့်များရှိအောင် ပညာပေးရမည်။ ကျန်းမာရေး ၀န်ဆောင်မှုလုပ်ငန်းတွင် ပါဝင်ပတ်သက်နေသူတိုင်း လူနာများ၏ အခွင့်အရေးကို အစဉ်လေးစားကြလျှက် ကျင့်ဝတ်နှင့်အညီ ကျန်းမာရေးစောင့်ရှောက်မှု ပေးနိုင်ကြလျှင် ဆေးကုသစရိတ်များ ထက်ဝက်မက လျှော့ကျသွားလိမ့်မည်။ ကျန်းမာရေး ၀န်ဆောင်စရိတ်များ လျော့ကျသွားလျှင် ပညာရေးနှင့် ဖွံ့ဖြိုးရေးအတွက် သုံးစရာငွေ ပိုထွက်လာမည် ဖြစ်သည်။ ထို့ကြောင့် ကျင့်ဝတ်လိုက်နာခြင်းသည် ဖွံ့ဖြိုးတိုးတက်ရေးကို ဦးတည်သည်။

ဆေးပညာလောကတွင်သာမက ဆိုင်ရာနယ်ပယ် အသီးသီးတွင်ရပ်တည်သော ပညာရှင်များနှင့် စီးပွားရေး လုပ်ငန်းရှင်များသည် အရာရာတိုင်းကို ကျင့်ဝတ်နှင့်အညီ ဆောင်ရွက်သင့်သည်။ စီးပွားရေးသမားများသည် စားသုံး သူများ၏ အခွင့်အရေးကို လေးစားလျှက် ကျင့်ဝတ်နှင့်အညီ စီပွားရှာသင့်သည်။ စားသုံးကုန်နှင့် လူသုံးကုန်ပစ္စည်း ထုတ်လုပ်ရောင်းချသူများသည် ၀ယ်ယူစားသုံးသူများ၏ ကောင်းကျိုးကိုသာ အစဉ်ရှေးရှုရမည်။ ရောဂါအန္တရာယ် ဖြစ်စေမည့် ကုန်ထုတ်လုပ်မှုမှန်သမျှကို ရှောင်ကြဉ်အပ်သည်။ သို့သော်လည်း ကျင့်ဝတ်များကို ဘေးချိတ်ထားကြ သဖြင့် ရောဂါဘယ များထူပြောကြပြီး၊ ဘ၀အရည်အသွေးများ နိမ့်ကြနေကြသည်။ ငွေမျက်နှာ တစ်ခုကိုသာကြည့်၍ စီးပွားရှာကြသဖြင့် ဆင်းရဲချမ်းသာ ကွာဟမှု ကြီးထွားလာသည်။ စာရိတ္တနှင့် ကိုယ်ရည်ကိုသွေးများ ကျဆင်းလာကြပြီး၊ စိတ်ဓာတ် အင်အားများ ယုတ်လျော့လာသည်။ ကျင့်ဝတ်ကို ငွေနှင့်အလဲ အလှယ်ပြုနေသူ များနေသောကြောင့် လူအများစု ပျော်ရွှင်မှုကို ရှာမတွေ့နိုင်ပဲ ငြိမ်းချမ်းရေးနှင့် ဝေးကွာနေကြရသည်။ 

ကျင့်ဝတ်စောင့်ထိန်းသူ၊ သီလစင်ကြယ်သူ၏ နှလုံးသားတွင် ပကတိပျော်ရွှင်မှု တည်ရှိနေပါသည်။ မိမိကိုယ်ကို အမြဲယုံကြည်မှု ရှိနေသည်။ ကျင့်ဝတ်ဆိုင်ရာ နိယာမများအတိုင်း ကောင်းကျိုးကို အစဉ်ဆောင်ရွက်သဖြင့် စိတ်ကျေနပ်ခြင်းနှင့် ၀မ်းမြောက်ဝမ်းသာ ဖြစ်ရသည်။ မကောင်းကျိုးဖြစ်စေသည့် အမှုမှန်သမျှကို ရှောင်ကြဉ်သောကြောင့် နောင်တတဖန် ပူဆွေးရခြင်းမရှိ ကိုယ်ရောစိတ်ပါ ချမ်းသာရသည်။ လောကဓံဆိုးများ၊ အဆင်မပြေမှုများကြောင့် စိတ်ပူပန် ရသည့်တိုင် မယိုင်လဲအောင် စောင့်ထိန်းခဲ့သော ကျင့်ဝတ်သီလများကြောင့် တည်ငြိမ်မှု ရနိုင်သည်။ ကျင့်ဝတ်လိုက်နာခြင်းဖြင့်သာ  လူတွေလိုလား တောင့်တနေကြသော ငြိမ်းချမ်းမှုနှင့် တည်ငြိမ်မှု (Peace and Stability)ကို ရနိုင် ပေလိမ့်မည်။  ထို့ကြောင့် မိဘများသည် ကျင့်ဝတ်ကိုယ်စီ လိုက်နာကြလျှက် ရင်သွေးရတနာများကို ဗီဇကောင်းများ ထည့်ပေးရမည်။ ထိုဗီဇကောင်းလေးများ ရှင်သန်ကြီးထွားအောင် ဆရာသမားများက ရေလောင်းပေါင်းသင် ပေးရမည်။ အလင်းရောင်ကောင်းတွင် အကျင့်ကောင်းလေးများ ရှင်သန်ကြီးထွားနိုင်စေဖို့ ပညာရေးစနစ်ကောင်းမွန် ရမည်။ တက္ကသိုလ်ကျောင်းများတွင် ဆိုင်ရာပညာရပ်များနှင့် ပတ်သက်သော ကျင့်ဝတ်များကို မဖြစ်မနေ သင်ပေးရမည်။ လုပ်ငန်းခွင် နယ်ပယ်အသီးသီးမှ အကြီးအကဲ ခေါင်းဆောင်များသည် ကျင့်ဝတ်လိုက်နာတတ်သော စံနမူနာကောင်းများပြ၍ မျိုးဆက်သစ်များကို အကျင့်ကောင်းများ လက်ဆင့်ကမ်း အမွေပေးရန် လိုအပ်လှပေသည်။

ကျင့်ဝတ်လိုက်နာခြင်းသည် ငြိမ်းချမ်းရေးကို ဦးတည်သကဲ့သို့ ဖွံ့ဖြိုးတိုးတက်ရေးကို ဦးတည်သည်ဟု ဆိုခဲ့ပြီးဖြစ်သည်။ အုပ်ချုပ်သူ လူတန်းစားများသည် တရားမျှတ လွတ်လပ်သော လူ့ဘောင်ကို တည်ဆောက်ပေးခြင်းဖြင့် ကျင့်ဝတ်လိုက်နာရန် ဖြစ်နိုင်သည့် ပတ်ဝန်းကျင်မျိုး ဖန်တီးပေးရမည်။ သို့သော်ငြားလည်း အစိုးရကိုယ်တိုင်က ကျင့်ဝတ်ပျက်နေသဖြင့် တိုင်းပြည် ပျက်စီးခြင်းသို့ ရောက်ရတော့သည်။ လူပီသစွာ အခြေခံလူ့ကျင့်ဝတ်များကို လိုက်နာကြလျှက်၊ တရားမျှတသော အစိုးရတရပ်ကို ဖွဲ့စည်းနိုင်မှသာ ကျွန်မတို့ချစ်သော တိုင်းပြည် တည်ငြိမ်ရေးနဲ့ ငြိမ်းချမ်းရေးကို ပြန်လည်တည်ဆောက်နိုင် ပါမည်။ ရွှေပြည်တော် သာယာရေးကို မျှော်လင့်ရင်း အုတ်တစ်ချပ် သဲတစ်ပွင့်ဖြစ်သော ကျွန်မတို့တွေ ကျင့်ဝတ်ကိုယ်စီ လိုက်နာကြလျှက် လူ့ဘောင်အကျိုးကို တနိုင်တပိုင် ထမ်းရွက်ကြပါစို့။

ရွှင်လန်းချမ်းမြေ့ကြပါစေ….

စံပယ်ဖြူ

Picture was copied from; http://www.ethicalexchange.co.uk/