သူငယ်ချင်းတို့ရေ....
၂၁ ရာစုရဲ့သမိုင်းကြောင်းတခေတ်မှာ
ငါတို့တတွေ အသက်ရှင်ခွင့်ရကြပြီ။
အရာအားလုံးကို ငါတို့တတွေမမှီခဲ့ပေမဲ့
ငါတို့လျှောက်လှမ်းခဲ့တဲ့ခြေလှမ်းတိုင်းအတွက်
သမိုင်းဆိုတာကျန်ကောင်းပါရဲ့။.....
ဒီထက်ကောင်းသော သမိုင်းကြောင်းတွေ
မနက်ဖြန်ဆိုတာရှိနေသ၍၊ ငါတို့တတွေ
ဆက်ရေးနေရမယ်၊
နောက်ထပ်....နောက်ထပ်....နောက်ထပ်
အခါမလပ်စကြေးပေါ့။...
သူငယ်ချင်းတို့ရေ....
ငါတို့နိုင်ငံ၊ ငါတို့တိုင်းပြည်
ချစ်ခင်ပါလျှက်၊မုန်းချင်ယောင်ဆောင်ခဲ့တယ်။
သူမကောင်းခဲ့လို့၊သူမကောင်းဘူးလို့
ငါတို့တတွေအငြင်းပွါးမနေကြပဲ၊
သမိုင်းတခေတ်ရဲ့ပြေးလမ်းပေါ်ကို
ငါတို့တတွေအတူတူတက်ကြမယ်။....
မျိုးဆက်တိုင်းအတွက်၊နောင်မျိုးဆက်က
လက်ကမ်းကြိုယူကြရင်း၊ငါတို့ဘ၀တွေအသက်ရှင်နေသ၍၊
သမိုင်းဆိုတာဆက်၍ ရှည်စေရဦးမှာပေါ့။
ငယ်ဆူး
အပြင်စီးမဂ္ဂဇင်း၊အမှတ် ၆၊ဇွန်လ ၂၀၁၁။
No comments:
Post a Comment